على الهامش

قولوا أي شي قولوا اللي تبون
انهبل
انتكس
او صار مجنون
ابد قولوا اللي تبون . تصدقون على الهامش الحياة احلى كثير اهدى
وابسط مما تتصورون
محد معاك محد حولك يهمه عناك
لا ملام لا زحام لا أذى ولا احد يطلب رضاك
ولا بعد قلب حنون
مافي عين تمر عينك تحاول مره تقراك
مافي صوت يمر ليلك يسمع حرة مناجاك
محد اهجرك محد اذكرك لاجل ينساك
لا حلم منك قريب لا اوهام بعيده هناك
على الهامش
الحياة احلى الحياة اغلى واثمن مما تتخيلون
تمر شهور تمر سنين ولا تدرون
الدنيا تدور وانت واقف
مالك شغل مالك دخل ومالك دور
لا مظلوم ولا مهموم ولا مقهور
محد ينسى بيوم يقسى ويسرق منك الهوى والنور
لا غالب ولا مغلوب لا باطش ولا مسلوب لا لاعن ولا ملعون
على الهامش
بلا ماضي بلا حاضر ولا ذكرى
نسيت اكون او لا اكون
تصدقون مع الأيام كل شي يهون


على الهامش كذا عايش